اكتب شنو صرفت، والباقي عليه
جزدان مدبّر مصروفك: اكتبله «٢٥ الف غدا» بالعربي أو بالإنكليزي، ويسجّلها بالفئة والحساب الصحيح. يشتغل بدون إنترنت، وفلوسك تبقى بجهازك.
التطبيق مجاني. Pro اختياري.
شنو يسوي
كل اللي بهذا القسم مجاني، بدون اشتراك.
تكلّم وياه مثل ما تكتب لصاحبك
ما بيه استمارات ولا خانات. تكتب الجملة، وهو يفهم المبلغ والفئة والحساب. يشتغل بدون إنترنت، لأن القراءة تصير على التلفون نفسه.
- «٢٥ الف غدا»
- «دفعت ٣٠٠ الف ايجار»
- «قبضت الراتب»
شوف وين تروح فلوسك
رصيدك بكل الحسابات — كاش، زين كاش، بنك — وهذا الشهر مقابل خطتك، وأهداف الادخار والديون والأقساط، بصفحة وحدة.
اعرف عاداتك
رسم يومي، وفئاتك مرتبة، والشهر الماضي جنب هذا الشهر. ويقلّك الشي اللي ما تنتبهله: «البنزين ٣٧٪ من مصروفك هالشهر».
جزدان Pro
يضيف الأشياء اللي تحتاج ذكاء اصطناعي وسيرفر. الباقي يبقى مجاني.
سجّل الدخول بنفس الحساب الذي تستخدمه في التطبيق، حتى يُفعَّل Pro على نفس الحساب.
مسجّل الدخول باسم ·
جرّب Pro أسبوع مجانًا
سبعة أيام كاملة، مرة وحدة لكل حساب، وبدون بطاقة.
بعد الدفع افتح التطبيق وسجّل الدخول بنفس حساب Google. إذا كان لديك اشتراك فعّال، تُضاف المدة الجديدة إلى ما تبقى لك.
أسئلة
التطبيق مجاني؟
إي. التسجيل والفئات والميزانيات والتقارير والعملات — كلها مجانية وبدون حد. Pro يضيف الصوت وقراءة الإيصالات والذكاء الاصطناعي والنسخة الاحتياطية.
شلون أدفع؟
بالدينار العراقي عبر زين كاش أو كي كارد أو FIB أو البطاقة. الدفع يصير بهذا الموقع، وPro يشتغل بالتطبيق على نفس حساب Google.
يشتغل بدون إنترنت؟
إي. التسجيل والقراءة والتقارير كلها على التلفون. الإنترنت يلزم بس لمزايا Pro اللي تحتاج سيرفر.
إذا بدّلت تلفوني؟
مع Pro تنحفظ نسخة بحسابك وترجعها بالتلفون الجديد. الاسترجاع مجاني دائمًا، حتى لو انتهى اشتراكك.
بياناتي وين تروح؟
تبقى بجهازك. ما يُرفع شي إلا إذا شغّلت النسخ الاحتياطي بنفسك، وتكدر تحذف كل شي من الإعدادات بأي وكت.